Armenııanyń jańa premer-mınıstri taǵaıyndaldy
ASTANA. QazAqparat - Armenııanyń jańa premer-mınıstri qyzmetine Karen Karapetıan taǵaıyndaldy, ol sońǵy jyldary reseılik «Gazpromda» jumys istedi, al 2010-2011 jyldary Erevan meri laýazymynda boldy.
Seısenbi kúni Armenııa prezıdenti Serj Sargsıan osy taǵaıyndaý jónindegi jarlyqqa qol qoıdy, dep habarlady TASS tilshisine respýblıka basshysynyń apparatynan.
«Karen Karapetıan Armenııa Respýblıkasynyń premer-mınıstri qyzmetine taǵaıyndalsyn», - delingen qujatta.
Karen Vılgelmovıch Karapetııan 51 jasta, 1980 jyly Erevan memlekettik ýnıvekrsıtetiniń qoldanbaly matematıka fakýltetin úzdik bitirgen. Ekonomıka ǵylymdarynyń doktory (2010). Armıan KSR Memlekettik josparlaý komıtetiniń Esepteý ortalyǵynda jumys jasady, Erevan memlekettik ýnıversıtetinde sabaq berdi.
1996-98 jyldary «Armenergo» birlestiginiń bas dırektorynyń orynbasary, 1998-2001 jyldary - bas dırektory. 2001 jyly - Armenııa energetıka mınıstriniń orynbasary. 2001-2010 jyldary - «ArmRosgazprom» birlesken kásipornynyń basqarma tóraǵasy - bas dırektory, keıinen ol tolyqtaı reseılik «Gazpromnyń» enshiles kásipornyna aınaldy.
2010-2011 jyldary - Erevan qalasynyń meri qyzmetinde boldy. 2011 jyldan Máskeýde «Gazpromnyń» birinshi vıtse-prezıdenti boldy, al 2012 jyldan bastap «Gazprom-Mejregıongaz» kompanııasy bas dırektorynyń orynbasary qyzmetin qosa atqardy, al ótken jyldang bastap - «Gazprom-energoholdıng» fırmasy bas dırektorynyń halyqaralyq jobalalr jónindegi orynbasary.
Armenııanyń memlekettik nagradalaryna ıe bolǵan, Frantsııa ulttyq ordeniniń ofıtseri.
Burynǵy premer Ovık Abramıan ótken beısenbi kúni óz ótinishimen qyzmetinen ketti.
