Armenııanyń premer-mınıstri otstavkaǵa ketti

EREVAN. QazAqparat – Armenııanyń premer-mınıstri Nıkol Pashınıan otstavkaǵa ketti. Bul týraly ol jeksenbi kúni halyqqa úndeýinde málimdedi. Armenııa mınıstrler kabıneti basshysynyń otstavkasy tehnıkalyq sıpatqa ıe jáne aǵymdaǵy jyldyń 20 maýsymynda ótetin kezekten tys parlamenttik saılaýdy ótkizý úshin qajet, dep habarlaıdy QazAqparat.

Jeksenbi, 25 sáýir kúni Armenııanyń premer-mınıstri Nıkol Pashınıan ultqa úndeýin jarııalady. Óz sózinde ol otstavkaǵa bıylǵy jyldyń 20 maýsymynda kezekten tys parlamenttik saılaýdy ótkizý úshin ketip jatqanyn málimdegen.

«Konstıtýtsııalyq erejeler men Parlamenttiń taratylýyn iske asyrý úshin men búgin otstavkaǵa ketemin», - dedi Nıkol Pashınıan. Sondaı-aq ol saılaý ótkizilgenge deıin premer-mınıstrdiń mindetterin tolyq kólemde atqaratýdy jalǵastyratynyn aıtty.

Eske sala ketsek, Armenııada Taýly Qarabaqta áskerı qımyldardy toqtatý týraly úshjaqty ótinishke qol qoıylǵan soń kúrdeli ishki saıası jaǵdaı oryn alǵan. Oppozıtsııa kóshege shyǵyp, premer-mınıstrden óz qyzmetin bosatýdy talap etti. El prezıdentimen ótkizilgen keńesterden keıin parlamenttik fraktsııalar 2021 jyldyń 20 maýsymynda kezekten tys parlamenttik saılaý ótkizýge kelisti.