Armenııanyń iri keshenderiniń birinde Dımashtyń kontserti ótedi

ASTANA. QazAqparat – Armenııanyń iri keshenderiniń birinde Dımash Qudaıbergenniń «Stranger» shoýy ótedi, dep habarlaıdy QazAqparat dimashnews.com saıtyna silteme jasap.

Dımash Qudaıbergenniń jeke kontserti 29 sáýirde ótedi dep josparlanyp otyr.

Jańa aýqymdy shoý Karen Demırchıan atyndaǵy sporttyq-kontserttik keshende qoıylmaq. Bul – Erevandaǵy eń iri kontserttik keshenderdiń biri. 2005 jyly nysandy jańartý qolǵa alynyp, ol úsh jylda zamanaýı joǵary deńgeıli sporttyq jáne kontserttik arenaǵa aınaldy. Dybys júıesi jaqsartylyp, 12 myń kórermenge arnalǵan trıbýnalar ornatyldy. Bul keshen – shyn máninde biregeı qurylym, óıtkeni kórermender arenanyń kez kelgen bóliginen ártisti jaqynnan estı alady. Stadıonnyń pishini kórermen úshin de, oryndaýshynyń ózi úshin de óte yńǵaıly.

Dımashtyń jańa shoýyna bıletter DimashAli.com saıtynda satylady. Aldyn ala satý 31 qańtarda aıaqtalady.