Armenııanyń eks-prezıdenti Robert Kocharıan parlament saılaýy aldynda tutqyndaldy
Bul týraly 7 jeltoqsanda Armenııa Ulttyq qaýipsizdik qyzmetiniń dırektory Artýr Vanetsıan málimdegen.
«Apellıatsııalyq sottyń sheshimimen Armenııanyń ekinshi prezıdenti Robert Kocharıan qamaýǵa alyndy. Meniń bilýimshe, ol qazir «Erevan-Kentron» penıtentsıarlyq mekemesinde», - dedi Vanetsıan.
Ol Robert Kocharıannyń tergeýshisi keldi me, joq pa degen suraqqa jaýabynda budan habary joq ekenin bildirgen.
Búgin, 9 jeltoqsan kúni Armenııada kezekten tys parlament saılaýy bastaldy. Saılaýǵa 11 saıası kúsh: 9 partııa jáne 2 blok qatysyp jatyr, dep habarlaıdy «QazAqparat» HAA-nyń menshikti tilshisi.
Eske sala keteıik, 2018 jylǵy 16 qazanda premer-mınıstr Nıkol Pashınıan otstavkaǵa ketetini týraly mádimdegen bolatyn. Sodan keıin armenııalyq parlamentshiler 24 qazanda jáne 1 qarashada ótken eki týrdan quralǵan saılaýda úkimettiń jańa basshysyn saılaı almady. El Konstıtýtsııasyna sáıkes, soǵan baılanysty, 1 qarashada Armenııa Prezıdentiniń jarlyǵymen Parlament taratylyp, kezekten tys parlament saılaýy 9 jeltoqsanǵa belgilendi.
