Armenııanyń DSM-y jappaı lokdaýn engizý týraly sybysty joqqa shyǵardy
EREVAN. Armenpress-QazAqparat – Armenııa Densaýlyq saqtaý mınıstrliginiń baspasóz qyzmeti koronavırýs pandemııasynyń saldarynan jappaı lokdaýn jáne qatań shekteýler engizý týraly qaýesettiń shyndyqqa janaspaıtyndyǵyn aıtty, dep habarlaıdy Qazaqparat «Armenpress» agenttigine silteme jasap.
«Densaýlyq saqtaý mınıstrligi epıdemıologııalyq ahýaldy qadaǵalap otyr. Koronavırýs taralýynyń ósýine baılanysty antıepıdemııalyq erejelerdi saqtaýǵa shaqyramyz. Olar - betperde taǵý, qoldy jıi jýý, áleýmettik qashyqty saqtaý», - dep eskertti mınıstrlikten.
Aıta keterligi, BAQ-ta premer-mınıstr Nıkol Pashınıannyń 15 naýryzdan bastap qaıtadan qatań shekteýlerdi engizetindigi jóninde qaýesetter taraǵan edi.
