Armenııanyń burynǵy prezıdentine aıyp taǵyldy

EREVAN. QazAqparat - Armenııanyń ekinshi prezıdenti Robert Kocharıanǵa aıyp taǵyldy, dep habarlaıdy QazAqparat Armenpress agenttigine silteme jasap.

2018 jylǵy 26 shildede Armenııa Respýblıkasynyń prezıdenti Robert Kocharıanǵa 2008 jyly 1-2 naýryz aralyǵynda Erevanda bolǵan oqıǵalarǵa qatysty Qylmystyq kodekstiń 300.1 babynyń 1-shi bóligi (Memleket bıligin zańsyz tartyp alý, ıaǵnı memleket bıligin kúshpen tartyp alý nemese Armenııa Respýblıkasynyń Konstıtýtsııasyna qaıshy árekettermen bılikti zorlyqpen ustaý, sondaı-aq, Armenııa Respýblıkasynyń konstıtýtsııalyq qurylymyn ádeıi kúshtep qulatý) boıynsha aıyp taǵyldy. Bul týraly Arnaıy tergeý qyzmetiniń málimdemesine kórsetilgen.

Aıta keterligi, Erevannyń birinshi ınstantsııadaǵy qalalyq sotyna Robert Kocharıandy qamaýǵa alý jóninde shara qoldaný boıynsha usynym berilgen.