Armenııanyń jańa Konstıtýtsııasynyń jobasy qarashada jarııalanbaq
ASTANA. KAZINFORM — Armenııanyń jańa Konstıtýtsııasynyń mátininiń jobasy qarasha aıynda jarııalanady dep josparlanyp otyr. Bul týraly 29 qazanda eldiń ádilet mınıstri Srbýı Galıan málimdedi, dep habarlaıdy Kazinform agenttiginiń menshikti tilshisi ArmInfo-ǵa silteme jasap.
— Jańa Konstıtýtsııanyń mátini, eger kútpegen jaǵdaılar týyndamasa, jaqyn arada, kelesi aıdyń ishinde jarııalanady, — dedi mınıstr tilshilerge bergen suhbatynda.
Galıannyń aıtýynsha, jobany talqylaý basqa zań jobalarynyń qaralýy sııaqty uıymdastyrylady, biraq konstıtýtsııalyq reformanyń mańyzy men kólemin eskersek, bul protsess aýqymdy ári uzaq bolady.
Buǵan deıin Armenııa premer-mınıstri Nıkol Pashınıan jańa Konstıtýtsııany qabyldaý barysynda oppozıtsııamen ózara túsinistik tabylmasa, kezekten tys parlamenttik saılaý ótkizý múmkindigin qarastyratynyn aıtqan edi.
