Armenııanyń UQShU-dan shyǵýy kún tártibinde joq — Armenııa SІM

ASTANA.KAZINFORM — Armenııanyń Ujymdyq qaýipsizdik týraly shart uıymynan shyǵýy qazirgi kún tártibinde joq. Bul týraly eldiń Syrtqy ister mınıstri Mnatsakan Safarıan málim etti, dep habarlaıdy Kazinform agenttiginiń menshikti tilshisi. 

— Eger mundaı ózgerister bolyp jatsa, aıtamyz. UQShU-men qarym-qatynasymyzdyń formaty jarııalandy. Erevan uıymnyń sheshim qabyldaýy men qujat qabyldaýyna qatyspaıdy, qarsylaspaıdy da, — dedi ol.

Onyń aıtýynsha, Armenııa qazirgi ýaqytta tańdaǵan syrtqy saıasatyn ustanady.

— Armenııa syrtqy saıasatyn ulttyq múddeler men qazirgi jaǵdaıǵa, ártaraptandyrý men tepe-teńdik qaǵıdattaryna súıene otyryp júrgizedi, — dep atap ótti mınıstrdiń orynbasary.

Buǵan deıin Armenııa 26-27 qarashada Bishkekte ótetin UQShU kóshbasshylarynyń sammıtine qatyspaıtyny týraly habarlanǵan bolatyn.

Sondaı-aq, biz buǵan deıin Erevannyń Reseı áskerı bazasyn óz aýmaǵynan shyǵarý josparyn qabyldamaǵanyn habarlaǵanbyz.