Armenııanyń TRIPP jobasy Konstıtýtsııalyq sotta qaralady
ASTANA. KAZINFORM — Armenııanyń Konstıtýtsııalyq soty 15 qyrkúıekte Tramptyń halyqaralyq beıbitshilik pen órkendeý baǵyty (TRIPP) jobasy boıynsha negizdemelik kelisimde bekitilgen mindettemelerdiń konstıtýtsııaǵa sáıkestigin qaraýdy bastaıdy, dep habarlaıdy Pravda Armenia.
Armenııanyń Konstıtýtsııalyq sotynyń habarlaýynsha, isti qaraý jazbasha túrde ótedi.
Armenııa úkimeti Armenııa men AQSh arasyndaǵy TRIPP jobasy boıynsha strategııalyq yntymaqtastyq týraly Negizdemelik kelisimdi onyń konstıtýtsııaǵa sáıkestigin qaraý úshin Konstıtýtsııalyq sotqa usyndy. Konstıtýtsııalyq sottyń sheshimi boıynsha qujat Ulttyq Assambleıaǵa ratıfıkatsııalaýǵa usynylýy múmkin.
AQSh TRIPP jobasynyń daıyndyq kezeńine 140 mln dollar ınvestıtsııa saldy.
Buǵan deıin Armenııa men AQSh TRIPP jobasy aıasynda birlesken kompanııa quratynyn jazǵan edik.
Eske salsaq, 2025 jyldyń 8 tamyzynda Vashıngtonda ótken úshjaqty kezdesýden keıin Ázerbaıjan prezıdenti Ilham Álıev, Armenııa premer-mınıstri Nıkol Pashınıan jáne AQSh prezıdenti Donald Tramp Baký men Erevan arasyndaǵy beıbit kelisim týraly birlesken deklaratsııa qabyldady. Onyń negizgi erejeleriniń biri Tramptyń halyqaralyq beıbitshilik pen órkendeý baǵyty (TRIPP) jobasynyń bóligi retinde Ázerbaıjannyń qurlyqtyq bóligi men Nahchyvan avtonomııalyq respýblıkasy arasynda kólik baılanysyn ornatý boldy.
