Armenııanyń Kapan qalasy TMD jastarynyń 2026 jylǵy astanasy dep tanyldy

ASTANA. KAZINFORM – TMD Memleket basshylary keńesiniń sheshimimen Armenııanyń Sıýnık provıntsııasyndaǵy Kapan qalasy 2026 jylǵy TMD jastary astanasy bolyp jarııalandy, dep habarlaıdy Kazinform menshikti tilshisi.

AR Bilim, ǵylym, mádenıet jáne sport mınıstrligi baspasóz qyzmetiniń málimetinshe, Kapan qalasynda 2026 jyly «TMD jastarynyń astanasy» baǵdarlamasynyń negizgi is-sharalary ótkiziledi. 

Olarǵa mynalar kiredi:

* baǵdarlamanyń ashylý jáne jabylý saltanaty;

* TMD jastar forýmy;

* dostastyq elderiniń jastary úshin lagerler, trenıngter jáne dóńgelek ústelder; 

* Kapannyń jastar baǵdarlamasy aıasyndaǵy múmkindikterin tanystyrý;

* TMD Jastar máseleleri keńesiniń otyrysy.

Vedomstvonyń habarlaýynsha, «TMD jastar astanasy-2026» jáne «Armenııanyń jastar astanasy-2026» baǵdarlamalaryn qarjylandyrý men kadrlyq áleýet is-sharalardyń tıimdiligin arttyrý jáne Kapannyń jergilikti, respýblıkalyq jáne aımaqtyq deńgeıde tanymaldyǵyn arttyrý úshin biriktiriledi.

Eske sala ketsek, Almaty 2026 jyly TMD-nyń sport astanasy mártebesine ıe boldy.

Buǵan deıin elimizdiń TMD memleketterimen jalpy taýar aınalymy $37,3 mlrd-ty quraǵanyn jazǵan bolatynbyz.