Armenııanyń Erevan memlekettik ýnıversıtetinde jarylys boldy
Erevan memlekettik ýnıversıtetiniń 1-shi korpýsynyń eń tómengi qabatynda órt tutanyp, artynsha jarylys boldy. Bul týraly Kazinform «Armenpress» basylymyna silteme jasap habarlaıdy.
«Qazirgi ýaqytta órt sóndirildi, tıis amaldardyń bári istelip jatyr. Keıinirek biz qosymsha málimdeme jasaımyz», - dedi Mısakıan.
Sondaı-aq ol órtke, boljam boıynsha elektr jelisindegi aqaý sebep bolǵanyn aıtty.
Densaýlyq saqtaý mınıstrligi jarylystan zardap shekkender bar ekenin habarlady.
Aldyn ala derekter boıynsha, zardap shekkenderdiń úsheýi aýrýhanaǵa jatqyzyldy. Olarǵa qajet medıtsınalyq kómektiń bári kórsetilip jatyr, naýqastar tekseristen ótedi.
Aldyn ala derek boıynsha, jarylystan qaza tapqan adam bar. Zardap shekkenderdiń jaǵdaıy týraly aqparat keıinirek jarııalanady.
