Armenııanyń EAEO-dan shyǵýy el ekonomıkasyna qalaı áser etpek – odaq memeleketteriniń boljamy
EREVAN. KAZINFORM – Armenııanyń Eýrazııalyq ekonomıkalyq odaqtan (EAEO) shyǵýy el ekonomıkasynyń 15,6%-ǵa tómendeýine ákelýi múmkin. Mundaı boljam Qazaqstan, Reseı, Belarýs jáne Qyrǵyzstan ókilderiniń Eýrazııalyq úkimetaralyq keńes aıasynda daıyndaǵan birlesken baıandamasynda kórsetilgen, dep habarlaıdy Kazinform agenttiginiń Erevandaǵy menshikti tilshisi.
Qujatta jazylǵandaı, byltyr Armenııanyń EAEO elderimen saýda-sattyǵy 7,9 mlrd dollar bolǵan. Onyń ishinde resmı Erevannyń eksporty 3,1 mlrd dollarǵa teńelse, ımport 4,8 mlrd dollarǵa jetti. Bul rette Armenııanyń jalpy taýar aınalymyndaǵy EAEO-nyń úlesi 37,8% shamasynda.
- Armenııa EAEO-ǵa músheligin toqtatqan jaǵdaıda, onyń odaq elderimen jıyntyq taýar aınalymy 4,4 mlrd dollarǵa nemese 2025 jylǵy kórsetkishpen salystyrǵanda 55,6%-ǵa qysqarady. ıAǵnı, 7,9 mlrd dollardan 3,5 mlrd dollarǵa deıin tómendeıdi, - delingen baıandamada.
Boljamǵa saı, Armenııa odaq aıasyndaǵy seriktestikten bas tartqan jaǵdaıda eldiń ishki jalpy ónim kólemi - 15,6% ($4,6 mlrd), taýar men qyzmetter eksporty - 41,6% ($6 mlrd), al ımport 27,1%-ǵa ($4,8 mlrd) qysqarýy múmkin.
- Sonymen qatar EAEO elderinen Armenııaǵa baǵyttalǵan aqsha aýdarymdarynyń kólemi 3,9 mlrd dollardan 1,8 mlrd dollarǵa deıin azaıady. Buǵan qosa, gaz ımportnyń quny 69%-ǵa ósip, 657,5 mln dollarǵa deıin ulǵaıýy múmkin, - degen boljam jasalǵan baıandamada.
Eske salaıyq, taıaýda EAEO men BAÁ arasyndaǵy ekonomıkalyq áriptestik týraly kelisim kúshine endi.
Buǵan deıin habarlaǵanymyzdaı, qazaqstandyq ǵylymı ataqtar EAEO elderinde moıyndalady.
