Armenııalyq fýtbolshy «Tobyldyń» quramyna qosyldy
QOSTANAI. QazAqparat – Qostanaı klýby Armenııa quramasynyń jartylaı qorǵaýshysy Petros Avetısıanmen eńbek kelisimin jasady, dep habarlaıdy QazAqparat.
Klýbtyń baspasóz qyzmetiniń málimetinshe, Petros Avetısıan mansabyn 2014 jyly Erevandaǵy «Banants» klýbynda bastady. Sol jyly ishki birinshilikte debıýt jasaǵan. Eki maýsymda ol komandanyń negizgi oıynshylarynyń biri boldy, el kýbogy men Sýperkýbogyn jeńip aldy.
2016 jyldyń jazynda ol «Pıýnıkpen» kelisimshartqa qol qoıdy, onda eki maýsym ótkizdi. Petros buǵan deıin «Ararat-Armenııa» klýbynda boldy. Erevan komandasynyń quramynda Avetısıan chempıonat «altynyn» jáne Sýperkýbokty jeńip aldy.
Ótken jyly jartylaı qorǵaýshy Armenııa quramasy sapynda bes match ótkizdi.
foto: qostanay.tv/sport