Armenııalyq baıqaýshylar Qazaqstandaǵy saılaýdyń oıdaǵydaı ótýine tilektes
V.Foos kezdesýge qatysýshylardy Ortalyq saılaý komıssııasynyń Qazaqstan Respýblıkasy Parlamenti Májilisiniń depýtattaryn jáne máslıhattarynyń depýtattaryn saılaýdy ázirleý men ótkizý jónindegi jumysymen, saılaý naýqanynyń negizgi kezeńderimen tanystyrdy, sondaı-aq birqatar suraqtarǵa jaýap berdi.
L.Galstıan hanym saılaý zańnamasynyń partııalyq tizimderdi usyný jáne tirkeý tártibin, saıası partııalardyń saılaýaldy úgitin qarjylandyrýdy retteıtin jekelegen erejelerimen egjeı-tegjeıli tanysýǵa qyzyǵýshylyq tanytty.
Kezdesý sońynda L. Galstıan shaqyrý úshin rızashylyǵyn bildirip, saılaýdyń oıdaǵydaı ótýin tiledi.
«Biz Astana qalasynyń birqatar saılaý ýchaskelerine barýdy, osyndaı mańyzdy saılaýdy ótkizý úshin Konstıtýtsııaǵa jáne respýblıkanyń saılaý zańnamasyna sáıkes jasalǵan jaǵdaılarmen tanysýdy josparlap otyrmyz» - dedi Armenııa Respýblıkasy Ortalyq saılaý komıssııasy Tóraǵasynyń orynbasary.
