Armenııaǵa Ázerbaıjannan munaı ónimderiniń kezekti partııasy jiberildi
ASTANA. KAZINFORM — Armenııaǵa 479 tonna dızel otyny jóneltildi. Bul týraly Ázerbaıjan BAQ-taryna silteme jasap Armenpress agenttiginiń habarlady.
— Baladjar stantsııasynan Armenııaǵa 479 tonna dızel otyny tıelgen 8 vagon jóneltildi. Búgingi kúnge deıin Ázerbaıjannan Armenııaǵa jalpy kólemi 8500 tonna dızel otyny, 979 tonna AI-92 benzıni jáne 2955 tonna AI-95 benzıni jiberildi, — delingen habarlamada.
Sonymen qatar, Reseıden Armenııaǵa Ázerbaıjan aýmaǵy arqyly 27 myń tonna astyq, 4 myń tonna tyńaıtqysh, 133 tonna alıýmınıı jáne 68 tonna qaraqumyq jetkizilgeni habarlandy.
Budan buryn qańtar aıynda Ázerbaıjan Armenııaǵa munaı ónimderiniń taǵy bir partııasyn jibergen edi.
Sonymen qatar, ótken jyldyń qarasha aıynda Ázerbaıjan arqyly tranzıtpen ótetin qazaqstandyq bıdaı tıegen alǵashqy poıyz Armenııanyń Aırým stantsııasyna jetkeni belgili boldy.
