Armenııaǵa alǵashqy júk tranzıti retinde qazaqstandyq bıdaı jiberildi — Álıev
ASTANA. KAZINFORM — Armenııaǵa alǵashqy júk tranzıti retinde qazaqstandyq bıdaı jiberildi. Bul týraly Ázerbaıjan Prezıdenti Ilham Álıev Memleket basshysy Qasym-Jomart Toqaevpen kelissózder barysynda aıtty.
— Ázerbaıjan okkýpatsııa bastalǵan mezetten bergi Armenııaǵa júk tasymaldaýǵa qoıylǵan shekteýdiń bárin alyp tastady. Armenııaǵa alǵashqy júk tranzıti retinde qazaqstandyq bıdaı jiberildi. Bul Ázerbaıjan men Armenııa arasyndaǵy beıbitshilik qaǵaz júzinde qalmaı, naqty ornaǵanyn kórsetetin jarqyn mysal dep oılaımyn, — dedi Ázerbaıjan Prezıdenti.
Aıta keteıik, búgin Aqordada Qasym-Jomart Toqaev pen Ilham Álıevtiń tóraǵalyǵymen Qazaqstan Respýblıkasy men Ázerbaıjan Respýblıkasynyń Joǵary memleketaralyq keńesiniń ekinshi otyrysy ótti.
Sonymen qatar Memleketter basshylaryna qazaq-ázerbaıjan mamandarynyń Orta dálizdi damytý boıynsha atqaryp jatqan júıeli jumystary jóninde málimet berildi.
Joǵary memleketaralyq keńes otyrysynyń qorytyndylary boıynsha Prezıdentterdiń qatysýymen buqaralyq aqparat quraldary ókilderine arnalǵan brıfıng boldy.
Sondaı-aq Qazaqstan men Ázerbaıjan Prezıdentteri Alem.AI halyqaralyq jasandy ıntellekt ortalyǵyna bardy. Ortalyqta Qasym-Jomart Toqaev pen Ilham Álıev tsıfrlyq tehnologııalardy damytý jáne jasandy ıntellektini qoldaný jetistikterimen tanysty.