Armenııadan jetkizilgen kólikterdi tirkeý merzimi uzartyla ma
NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Serik Amantaıuly Túsipov Armenııadan jetkizilgen avtokólikterdi tirkeý merzimin uzartý usynysyna qatysty jaýap berdi, dep habarlaıdy QazAqparat tilshisi.
«Tirkeý boıynsha tıisti talaptar bar ekenin eskere otyryp, Úkimet qaýlysynda tirkeýdiń naqty merzimi bekitilgen. Tirkeý sharalary 2020 jyldyń 1 qyrkúıekgine deıin júzege asyrylady. Osy merzimge atalǵan tirkeý talaptaryna jatatyn barlyq kólikter tirkeledi dep josparlanýda», - dedi S. Túsipov.
«Azamattar tarapynan ótinimder bar ekenin, sondaı-aq QR Saýda jáne ıntegratsııa mınıstrligi Tehnıkalyq retteý jáne metrologııa komıteti jaǵynan qaıtadan jabdyqtalǵan avtomashınalardy tirkeý úshin jaǵdaı jasalyp otyrǵanyn eskere otyryp, ózgertip jabdyqtalǵan avtokólikter úshin merzimdi uzartý usynysyn pysyqtap jatyrmyz», - dedi S. Túsipov.
