Armenııadan avtokólikter satyp almaq bolǵan qazaqstandyq alaıaqtarǵa aldanyp qalǵan
Armenııa Respýblıkasy polıtsııasynyń habarlaýynsha, Erevan qalasy Erebýnı aýdany polıtsııa bólimshesiniń qylmystyq izdestirý qyzmetkerleri 28 qyrkúıekte er adamnyń Qazaqstan azamatyna 6 avtokólikti odan ári Qazaqstanǵa tasymaldaý shartymen satqany týraly, ol úshin 72 200 dollar somasynda tólem alǵany týraly jedel derekter alǵan. Er adam kelisimderdi oryndamaǵan, oysymen qoımaı aqshany urlap alǵan. Jedel-izdestirý sharalarynyń arqasynda er adamnyń kim ekeni anyqtalǵan.
«26 jastaǵy jas jigit kólikterdi týysynyń atyna tirkegen. Keıbir avtomobılder qazirdiń ózinde satylyp ketken, al qalǵandary Nýbarashendegi (Erevannyń ákimshilik aýdany) avtoturaqqa jasyrylǵan. Jábirlenýshi aryz bergen, osy fakti boıynsha qylmystyq is qozǵaldy. Erebýnı aýdandyq polıtsııa bólimshesiniń qyzmetkerleri men qoǵamdyq polıtsııa qyzmetkerleriniń birlesken is-sharalarynyń arqasynda 7 qazanda 26 jastaǵy jigit ustalyp, Erebýnı aýdandyq polıtsııa bólimshesine jetkizildi. Túsindirý jumystarynyń nátıjesinde polıtsııa bólimshesine jas jigittiń týysy da keldi. Ekeýi de aldyn ala tergeý organyna tapsyryldy jáne ustaldy. Urlanǵan somany anyqtaý boıynsha sharalar qoldanylýda, tergeý júrgizilýde», - delingen Armenııa Respýblıkasy polıtsııasynyń habarlamasynda.