Armenııadaǵy parlament saılaýyna halyqtyń 48,63 paıyzy ǵana qatysqan

ASTANA. QazAqparat - Armenııanyń ortalyq saılaý komıssııasy parlament saılaýyna qansha halyq qatysqany jóninde aldyn ala málimetterdi jarııalady, dep habarlaıdy armenpress.am.

«Elde parlament saılaýyna qatysýǵa quqyly 2 mln 592 myń 479 adam bar bolsa, sodan 1 mln 260 myń 479 adam ǵana saılaýǵa qatysqan. Bul - jalpy saılaýshylardyń 48,63 paıyzy», - deıdi OSK basshysy Tıgran Mýkýchıan.

Armenııada halyqtyń parlament saılaýyna qatysýyna qatysty belgilengen meje joq, sondyqtan qansha adam daýys bergenine qaramastan saılaý ótti dep sanalady, dep atap ótti armenpress.am.