Armenııadaǵy parlament saılaýyna saılaýshylardyń 58,97 paıyzy qatysty
ASTANA. KAZINFORM – Armenııada ótken parlament saılaýynda daýys berý quqyǵyna ıe 2 mln 503 myń 976 azamattyń 1 mln 476 myń 597-si daýys berip, saılaýshylardyń qatysý kórsetkishi 58,97 paıyzdy qurady, dep habarlaıdy Armenpress.
Bul týraly Armenııa Ortalyq saılaý komıssııasynyń tóraǵasy Vaagn Ovakımıan málimdedi.
Erevan qalasynda daýys berý quqyǵyna ıe 849 myń 488 azamattyń 496 myń 643-i saılaýǵa qatysqan. Bul – 58,46 paıyz.
Óńirler boıynsha saılaýshylar belsendiligi mynadaı boldy:
– Aragatsotn oblysy – 61,70 paıyz;
– Ararat oblysy – 59,87 paıyz;
– Armavır oblysy – 55,80 paıyz;
– Gegarkýnık oblysy – 54,60 paıyz;
– Lorı oblysy – 58,59 paıyz;
– Kotaık oblysy – 61,66 paıyz;
– Shırak oblysy – 55,46 paıyz;
– Sıýnık oblysy – 66,67 paıyz;
– Vaıots Dzor oblysy – 65,63 paıyz;
– Tavýsh oblysy – 63,40 paıyz.
Ortalyq saılaý komıssııasynyń málimetinshe, eń joǵary belsendilik Sıýnık oblysynda tirkelse, eń tómen kórsetkish Gegarkýnık oblysynda baıqalǵan.
Aıta keteıik, buǵan deıin Armenııada parlament saılaýy ótip jatqany habarlanǵan bolatyn.
