Armenııada januıanyń 6 múshesin aıýandyqpen óltirgen reseılik áskerı ustaldy
ASTANA. QazAqparat - Shekarashylar Armenııanyń Gıýmrı qalasynda bir otbasynyń alty adamyn óltirgen kúdikti - reseılik áskerı qyzmetshini ustady.
Interfaks habarlaǵandaı, Valerıı Permıakovty armenııa-túrik shekarasyn kesip ótpek bolǵan kezde qolǵa túsirgen.
Kúdikti Armenııanyń batys bóliginde Túrkııamen shekaralas Baıandýr aýylynyń mańynan tutqyndaldy.
Polıtsııa derekterine súıensek, ol dúısenbi tańerteń eldiń soltústik-batysyna qaraı 102-shi reseılik baza ornalasqan Gıýmrı qalasynda bútin otbasy múshelerin atyp ketken, onyń ishinde eki jasar qyz bala da bar.
Keýde tusy jaralanǵan alty aılyq bala ǵana aman qalyp, aýyr jaǵdaıda jansaqtaý bólimine jetkizilgen.
