Armenııa Jańa Konstıtýtsııa qabyldaý úshin kezekten tys parlament saılaýyn ótkizýi múmkin
EREVAN. KAZINFORM – Úkimet otyrysynan keıin BAQ ókilderiniń saýalyna jaýap bergen Armenııa premer-mınıstri Nıkol Pashınıan jańa Konstıtýtsııany qabyldaý barysynda oppozıtsııamen ózara túsinistik tabylmasa, kezekten tys parlamenttik saılaý ótkizý múmkindigin qarastyratynyn aıtty, dep habarlaıdy Kazinform agenttiginiń Erevandaǵy menshikti tilshisi.
- Taıaýda jańa Konstıtýtsııanyń jobasyn jarııalap, ony talqylaýdy bastaımyz jáne qujatty parlamenttiń qaraýyna engizemiz. Sondaı-aq oppozıtsııadaǵy áriptesterimizdi bul máseleniń asa zor mańyzǵa ıe sheshim ekenine jáne onyń Armenııanyń turaqtylyǵyn saqtaýǵa baǵyttalǵanyna sendirýge tyrysamyz. Ol úshin tıisti kúsh salamyz. Alaıda bul nátıje bermese, kezekten tys saılaý ótkizý sııaqty nusqalardy qarastyramyz. Mundaı stsenarııdi joqqa shyǵarýǵa bolady dep kim aıtty? - dedi Armenııa úkimetiniń basshysy.
Eske salaıyq, búgin Nıkol Pashınıan Eýrazııalyq ekonomıkalyq odaq (EAEO) memleketteriniń uıymǵa múshe basqa eldi onyń quramynan shyǵarýǵa quqyǵy joq ekenin málimdep edi.
Buǵan deıin habarlaǵanymyzdaı, taıaýda Armenııa parlamentinde depýtattar tóbelesti.
