Armenııada ulttyq kelisim úkimeti qurylady
ASTANA. QazAqparat - Armenııa prezıdenti Serj Sargsıan birneshe aıdan keıin ulttyq kelisim úkimeti qurylatynyn málimdedi. Bul týraly respýblıka basshysy dúısenbi kúngi qoǵam, bılik, din ókilderimen kezdesýde jarııalady. Kezdesýde Erevandaǵy polıtsııa bólimin qarýly kúshterdiń basyp alýynan keıingi jaǵdaı talqylandy, dep habarlaıdy TASS.
«Qazirgi bizdiń maqsatymyz ulttyq kelisim bıligin qurý, ondaǵy sheshimder aýqymdy kelisimmen júzege asyrylady»,- dep atap ótti prezıdent. «Osy másele boıynsha Armenııa Konstıtýtsııasyna túzetýler engizildi, bul reformalar osyndaı bıliktiń negizi bolmaq», - dedi ol.
«Ulttyq kelisim bıligi ózin tappaı júrgen jannyń kresloǵa kelip otyrýy úshin emes, aýqymdy saıası jaýapkershilikti bólisý úshin qurylady, - dep uǵyndyrdy Sargsıan. - Instıtýtsıonaldy negizin qamtamasyz etip úlgerdik».
«Birneshe aıdan keıin dál osyndaı úkimettiń, dál osyndaı bıliktiń bolatynyn senimdilikpen aıta alamyn», - dep málimdedi respýblıka basshysy.
Ulttyq kelisim úkimetin qurý - oppozıtsııa kótergen talaptardyń biri.
