Armenııada úkimettiń ǵımaraty órtendi

ASTANA. QazAqparat - Erevannyń ortalyǵyndaǵy Respýblıka alańynda ornalasqan úkimet ǵımaratynda órt tutandy, dep habarlaıdy «QazAqparat» HAA Armenııa Tótenshe jaǵdaılar mınıstrliginiń resmı saıtyna silteme jasap.

Aqparatqa sáıkes, órt týraly habar dúısenbi kúni tańerteń taraǵan. Órt sóndirýshiler shuǵyl túrde oqıǵa ornyna attanǵan.

Qazirgi kezde tilsiz jaý aýyzdyqtaldy, eshkim zardap shekpegen. Mınıstrlik ókilderiniń aıtýynsha, kabınetterdiń birindegi keńse jıhazy órtengen.