Armenııada Úkimet úıiniń aldynda halyq narazylyqqa shyqty

EREVAN. ARMENPRESS - QazAqparat – Armenııanyń Premer-Mınıstri Nıkol Pashınıan soǵysty toqtatý týraly qujatqa qol qoıǵanyn jarııalaǵannan keıin Armenııa úkimeti ǵımaratynyń aldyna halyq jınaldy. Bul týraly QazAqparat ARMENPRESS agentigine silteme jasap habarlaıdy.

Respýblıka alańynda sıgnal bergen kólikter ótip jatyr. Úkimet ǵımaratynyń aldyndaǵy jaǵdaı ýshyǵyp tur.

Úkimet ǵımaratyna ondaǵan adam basyp kirdi. Polıtsııa qyzmetkerleri adamdardy ǵımarattan shyǵýǵa kóndirýde.

Premer-Mınıstr qabyldanǵan sheshim oǵan tym qıyn bolǵanyn, bul sheshim áskerı jaǵdaıdy tereń taldaý nátıjesinde, jaǵdaıdy jaqsy biletin adamdardyń baǵalaýy nátıjesinde qabyldanǵanyn atap ótti.

Úkimet úıi aldyna jınalǵan adamdar Armenııa, Reseı jáne Ázerbaıjan basshylarynyń málimdemesiniń mátini áli tolyq jarııalanbaǵanyna qaramastan, sheshimmen kelispeıtinin bildirýde.

Eske salsaq, Taýly Qarabaqta atysty toqtatý týraly málimdemege qol qoıylǵan bolatyn.