Armenııada turmystyq zorlyq-zombylyq úshin jaza kúsheıedi
EREVAN. KAZINFORM — Armenııa Ulttyq jınalysy turmystyq zorlyq-zombylyqtyń aldyn alý jáne odan zardap shekken adamdardy qorǵaýǵa baǵyttalǵan zań jobasyn birinshi oqylymda qabyldady, dep habarlaıdy Kazinform agenttiginiń Erevandaǵy menshikti tilshisi.
Usynylyp otyrǵan túzetýlerge sáıkes, endi eskertý jasaý tártibi joıylyp, onyń ornyna zorlyq-zombylyq jasaǵan adamdar arnaıy esepke alynady. Sondaı-aq polıtsııa oqıǵa jaıly aqparat alǵannan keıin 12 saǵattan keshiktirmeı qylmys týraly tergeý organyna habarlaýǵa mindetteledi.
Munymen birge buǵan deıin kinásin tolyq moıyndap, mundaı iske barǵanyna ókinetin adamdardy qylmystyq jaýapkershilikten bosatý múmkin bolatyn. Endi ol bap alynyp tastalady.
Qujatta jazylǵandaı, otbasylyq zorlyq-zombylyqtan zardap shekkenderdi ońaltý, olardy arnaıy ortalyqtarǵa ornalastyrý tártipteri jeńildeıdi. Sonymen qatar jábirlenýshilermen birge turatyn aıyptalýshylardy úıqamaqqa alý tártibi alynyp tastalady.
Qosa ketsek, taıaýda depýtat Aıjan Aımaǵanova zorlyq-zombylyqqa tosqaýyl qoıýdyń jańa tetigin usynǵan edi.
Buǵan deıin habarlaǵanymyzdaı, Qazaqstan BUU sessııasynda zorlyq-zombylyqtyń aldyn alý tájirıbesin tanystyrdy.
