Armenııada TRIPP jobasy qashan bastalatyny belgili boldy
ASTANA. KAZINFORM — Armenııadaǵy TRIPP temirjol baǵytynyń qurylysy 2026 jyldyń ekinshi jartysynda bastalady dep josparlanyp otyr. Bul týraly parlament otyrysynda Armenııa premer-mınıstri Nıkol Pashınıan málim etti, dep habarlaıdy agenttiktiń menshikti tilshisi.
— Biz osy jyldyń sońyna deıin barlyq egjeı-tegjeılerdi qaǵazǵa túsirýimiz qajet. Jospar boıynsha 2026 jyldyń birinshi jartyjyldyǵynda kelisimge kelip, qurylys ekinshi jartyjyldyqta bastalýy kerek, — dedi premer-mınıstr.
Pashınıannyń aıtýynsha, temirjol keńes dáýirindegi baǵyt boıynsha ótedi. Sebebi basqa ýchaskede qurylys júrgizý múmkin emes.
— Gaz qubyry men elektr jelileri soltústikke qaraı jalǵasady, — dep qosty premer-mınıstr.
Premer-mınıstr bul protsess Vashıngton deklaratsııasynda bekitilgen aýmaqtyq tutastyq, egemendik, ıýrısdıktsııa, ózara quqyq jáne shekaralardyń myzǵymas qaǵıdattary negizinde júzege asyrylyp jatqanyn atap ótti.
Buǵan deıin Armenııa AQSh-tyń TRIPP temirjol qurylysyna qatysýyn qarastyryp jatqandyǵy týraly jazdyq.