Armenııada tótenshe jaǵdaı kezinde bıylǵy oqý jylynyń qalaı aıaqtalatyny belgili boldy

EREVAN. QazAqparat – Armenııa bilim, ǵylym, mádenıet jáne sport mınıstri tótenshe jaǵdaı rejıminde bıylǵy oqý jylynyń aıaqtalýy kezindegi ózgerister týraly aıtty. Bul týraly QazAqparat menshikti tilshisi habarlaıdy.

Dúısenbi kúni Armenııa bilim, ǵylym, mádenıet jáne sport mınıstri Araık Arýtıýnıan Facebook-tegi tikeleı efıri barysynda bıylǵy oqý jylynyń aıaqtalý protsesindegi ózgerister týraly úkimettiń qabyldaǵan sheshimi týraly málim etti.

Atap aıtqanda, Armenııa úkimetiniń sheshimi boıynsha elde aǵymdaǵy oqý jyly aıaqtalǵansha oqý oryndarynda sabaq bolmaıdy, bilim alýshylar oqý jylyn qashyqtan bitiredi. Buǵan qosa, Armenııa mektepterinde túrli emtıhandar toqtatyldy. Oqý jylynyń qorytyndysy oqýshylardyń 13 naýryzǵa deıin kórsetken nátıjeleri boıynsha shyǵarylady. Attestattar 25 mamyrǵa deıin beriledi.

Armenııa orta-arnaýly oqý oryndaryndaǵy emtıhandar men dıplom qorǵaý protsesteri de toqtatyldy. Qorytyndy nátıje mektep protsedýrasyndaǵy sekildi shyǵarylady. Dıplomdar 5 maýsymǵa deıin berilmek.

Mınıstrdiń aıtýynsha, joǵary oqý oryndary TJ rejımi jaǵdaıy men qoǵamdyq qaýipsizdikti qamtamasyz etý erejelerine sáıkes, 1 shildege deıin emtıhandar ótkizý jáne dıplom berts tásilin ózderi tańdaıdy.

Eske salaıyq, Armenııada 16 naýryzdan 14 mamyrǵa deıin tótenshe jaǵdaı jarııalandy.

Avtory Azamat Álmaǵanbetov