Armenııada oń rýldi kólikterdiń ımportyna tyıym salyndy
EREVAN. QazAqparat - Armenııa úkimeti otyrysta oń jaq rýldi avtomobılderdi tirkeýge jáne onyń ımportyna tyıym salý týraly qaýly qabyldady. Shekteý 2018 jyldyń 1 sáýirinde kúshine enedi, dep habarlaıdy «QazAqparat» HAA menshikti tilshisi.
Armenııa úkimeti otyrysynyń kún tártibinde Armenııada 1 sáýirden bastap oń jaq rýldi avtomobılderdi tirkeýge jáne onyń ımportyna tyıym salý máselesi qaraldy. Qaýly jobasyn Armenııa kólik, baılanys jáne aqparattyq tehnologııalar mınıstri Vaan Martırosıan usyndy.
«2018 jyldyń 1 sáýirinen bastap oń jaq rýldik basqarý júıesi bar avtomobılderdi tirkeýge jáne paıdalanýǵa tyıym salý qarastyrylǵan. Bul shekteý 1 sáýirge deıin ákelingen avtomobılderge qatysty emes. Olardy esepke alýǵa ruqsat etilgen», - dep málimdedi úkimettiń otyrysynda mınıstr Vaan Martırosıan.
