Armenııada mektep avtobýsy jyraǵa qulap, muǵalim qaza tapty

ASTANA. QazAqparat - Armenııanyń Sınıýk aýdanynda mektep avtobýsy jarǵa qulap, bir adam qaza tapty. Bul týraly QazAqparat Armenpress aqparat agenttigine silteme jasap habarlaıdy.

Zardap shekken 24 adam (9 mektep qyzmetkeri men 15 oqýshy) Kapan qalasynyń medıtsınalyq ortalyǵyna jetkizildi.

Oqıǵa saldarynan 1970 jylǵy muǵalim aýrýhanada qaıtys boldy.

10 naýryz kúni saǵat 14:20-da Sınıýk óńirlik daǵdarysty basqarý ortalyǵyna Kapan-Norashenık tasjolynda avtobýs jyraǵa qulap , qutqarýshylar kómegi qajet ekeni týraly aqparat kelip tústi.

Oqıǵa ornyna qutqarýshylar shuǵyl jetti.

Anyqtalǵandaı, Kapan-Norashenık tasjolynyń 16-shy shaqyrymynda Ohtar aýylyndaǵy orta mekteptiń oqýshylary men qyzmetkerleri otyrǵan «PAZ» avtobýsy jol jıeginen shyǵyp ketip, bıiktigi shamamen 5 metrge jetetin kópirden Achanan ózenine qulap ketken.