Armenııada koronavırýstyń ekinshi tolqyny bastalǵany aıtyldy
«Shyn mánisinde, koronavırýstyń ekinshi tolqynymen betpe-bet kelip otyrǵanymyzdy aıta alamyz. Birneshe kún boıy komendatýramen bekitilgen erejeler qalyptasqan ahýalǵa qanshalyqty sáıkes keletinin jáne olardyń ámbebaptylyǵyn talqylap kelemiz. Pikirtalastarymyzdyń túıini bir – qabyldanǵan shekteýler jaǵdaıǵa sáıkes keledi jáne mazmuny jaǵynan tıimdi. Bizdiń talqylaýlarymyzdyń qorytyndysy bir mándi: qabyldanǵan shekteýler jaǵdaıǵa sáıkes keledi jáne olardyń mazmuny jaǵynan da tıimdi. Ókinishke oraı, osy erejelerdi saqtaýda problemalar bar», - dep atap ótti brıfıng barysynda Nıkol Pashınıan.
Osyǵan baılanysty, premer-mınıstrdiń aıtýynsha, Armenııada komendatýra belgilegen erejelerdi saqtaý boıynsha ákimshilik sharalar kúsheıtiledi.
Óz kezeginde vıtse-premer, TJ rejımi kezindegi komendant Tıgran Avınıan azamattarǵa epıdemııaǵa qarsy normalardy qatań saqtaý qajettigi týraly eske saldy.
Armenııa Densaýlyq saqtaý mınıstrligi Aýrýdy baqylaý jáne alddyn alý jónindegi ulttyq ortalyqtyń málimetinshe, 26 mamyrǵa deıin elde koronavırýs ınfektsııasyn juqtyrǵan 7402 jaǵdaı tirkelgen, olardyń 3220-sy saýyǵyp shyqty. 4052 patsıent em qabyldaýda. 91 naýqas qaıtys boldy.
Eske sala keteıik, koronavırýs ınfektsııasyna baılanysty Armenııada 16 naýryzdan bastap TJ rejımi engizilgen bolatyn.
Keıin TJ rejımi 13 maýsymǵa deıin uzartyldy.
25 mamyrdan bastap halyq maska taǵyp júrý rejımine kóshti. Tek jabyq oryndarda ǵana emes, ashyq jáne qoǵamdyq jerlerde maska taǵý mindetteldi.
