Armenııada koronavırýspen aýyrǵan 94 naýqas óte aýyr halde jatyr

EREVAN. QazAqparat – Armenııada koronavırýspen aýyrǵan 403 patsıent jaǵdaıy aýyr, al onyń 94-i óte aýyr halde jatyr, dep habarlaıdy QazAqparat Armenpress agenttigine silteme jasap.

Bultýraly komendatýra otyrysynan keıin ótken brıfıng kezinde Armenııanyń densaýlyq saqtaý mınıstri Arsen Torosıan málim etti.

«Qazirgi kezde bizdegi 403 patsıenttiń jaǵdaıy aýyr, onyń 94-i óte aýyr halde jatyr. Aýrý juqtyrǵan adamdardyń sany sońǵy kúnderi turaqty, ol bir jaǵynan jaqsy, alaıda absolıýttik san óte joǵary. Biz aýyr jáne óte aýyr halde bolǵan azamattar sanyn azaıtý úshin qoldan kelgenniń bárin jasaýymyz kerek, buǵan jalpy kórsetkishti qysqartý nátıjesinde qol jetkize alamyz», - dedi ol.