Armenııada koronavırýs juqtyrǵandar sany 25 myńnan asty

EREVAN. ARMENPRESS – QazAqparat – Armenııada, 29 maýsym kúngi málimet boıynsha koronavırýs ınfektsııasyn juqtyrǵandar sany 25 127 adamǵa jetip, onyń 13 297-i jazylyp shyqty, dep habarlaıdy QazAqparat Armenpress agenttigine silteme jasap.

Agenttiktiń habarlaýynsha, qazirgi ýaqytta 11 254 adam COVID-19-dan emdelip jatyr. Jalpy vırýsqa 110 571 test alynǵan.

482 jańa juqtyrý oqıǵasy tirkelip, 181 naýqas jazylyp shyqty.

Jalpy Armenııada 433 adam COVID-19-dan kóz jumǵan (7-ge artty).

Buǵan deıin eldiń premer-mınıstri Nıkol Pashınıan Armenııa álem boıynsha 1 mln turǵynǵa shaqqanda vırýs juqtyrǵandar sany boıynsha aldyńǵy qatarda turǵanyn málimdegen bolatyn.

Eske sala ketsek, Armenııada 16 naýryzda koronavırýs ınfektsııasyna baılanysty 1 aılyq tótenshe jaǵdaı jarııalanǵan. 13 sáýirde Armenııa úkimeti TJ rejımin 14 mamyrǵa deıin uzartty, sodan keıin taǵy bir aıǵa – 13 maýsymǵa deıin uzartyldy. Úshinshi ret engizilgen Tótenshe jaǵdaı rejımi 13 shildege deıin uzartyldy.