Armenııada kezekten tys parlament saılaýy ótedi

EREVAN. QazAqparat - Armenııa prezıdenti Armen Sarkısıan kezekten tys parlament saılaýyn ótkizý týraly jarlyqqa qol qoıdy, dep habarlaıdy Armenpress.

Armenııa prezıdenti apparatynyń qoǵammen baılanys jáne BAQ basqarmasy málim etkendeı, jarlyqta:

«Armenııa Respýblıkasy Konstıtýtsııasynyń 92 jáne 93 baptaryndaǵy talaptar men Ulttyq Jınalysty taratýdy  nazarǵa ala otyryp, Armenııa Respýblıkasy Konstıtýtsııasynyń 149-baby 3-bóligine sáıkes 2018 jyldyń 9 jeltoqsanynda kezekten tys Ulttyq Jınalys  saılaýy ótkizilsin. Bul jarlyq resmı jarııalanǵannan keıin kelesi kúni kúshine enedi»,-delingen.

Habarlanǵandaı, qazirgi armıan Parlamenti depýtattaryn saılaýdyń ekinshi kezeńiniń qorytyndysy boıynsha Premer-mınıstr saılanǵan joq. Konstıtýtsııaǵa sáıkes, qazirgi Parlament taratyldy. Kezekten tys parlament saılaýy bıyl jeltoqsanda ótedi.