Armenııada karantın 2021 jylǵy 11 qańtarǵa deıin uzartyldy
Agenttiktiń habarlaýynsha, Armenııada 2021 jylǵy 11 qańtarǵa deıin tómende kórsetilgen shekteýler engizildi.
Armenııa Respýblıkasynyń azamattary emes adamdar úshin qurlyq shekarasynyń baqylaý-ótkizý pýnktteri arqyly Armenııa Respýblıkasynyń aýmaǵyna kirýge tyıym salynady. Tek tómendegi keıbir jaǵdaılarda elge kirýge ruqsat beriledi:
– Armenııa Respýblıkasy azamattarynyń otbasy músheleri jáne Armenııa aýmaǵynda zańdy negizde turýǵa quqyǵy bar adamdar.
– Dıplomatııalyq ókildikterdiń, konsýldyq mekemelerdiń ókilderi men halyqaralyq uıymdardyń ókilderi men olardyń otbasy músheleri.
– Jerleý rásimine qatysý maqsatynda kelgen adamdar, olar qaıtys bolǵan adamnyń jaqyn týystary (ata-anasy, jubaıy, balasy, ápkesi, aǵasy) bolǵan jaǵdaıda.
– Memleketaralyq tasymaldardy júzege asyratyn júrgizýshiler, júk poıyzdarynyń jyljymaly quramdarynyń mashınısteri (onyń ishinde júk avtomobılderi men júk poıyzdarynyń jyljymaly quramdaryn túsirgennen keıin Armenııa Respýblıkasynyń aýmaǵynan ketetinder).
– Jedel sıpaty men kirý qajettiligin, sondaı-aq osy elderdegi (aýmaqtardaǵy) epıdemııalyq jaǵdaıdy eskere otyryp shekara áskerleriniń qolbasshysy.
Armenııa Respýblıkasynyń aýmaǵyna kirgen kezde adamdar ınfektsııa nemese sımptomdarynyń bolýyna ınspektsııalyq eńbek jáne densaýlyq saqtaý organy tarapynan jedel medıtsınalyq tekserýden ótedi.
