Armenııada halyqaralyq Smart Valley Armenia ınnovatsııalyq keshen salynady
ASTANA. QazAqparat – Armenııada Villaggio klýbtyq turǵyn úıler kvartaly jáne halyqaralyq deńgeıdegi qonaq úıler keshenin qamtıtyn ınnovatsııalyq Smart Valley Armenia alqabynyń qurylysy bastalady, dep habarlaıdy QazAqparat tilshisi «Armenpress» saıtyna silteme jasap.
Investica kompanııasy Marriott International qonaqúı jelileriniń ákimshisi Synergy Comfort Hotels kompanııasy jáne el úkimetiniń qoldaýymen Armenııada tuǵysh ret salynatyn jobanyń bastalǵanyn jarııalady. Ol Erevan men áýlıe Echmıadzın monastyrynyń arasyndaǵy aýmaqqa salynady.
Joba avtory Metso Igıtıannyń aıtýynsha, Smart Valley Armenia - ozyq tehnologııalardy damytýǵa baǵyttalatyn jáne adamdardyń turýy úshin qolaıly jaǵdaı jasalǵan álemdik deńgeıdegi ınnovatsııalyq alqap bolmaq. ıAǵnı, bul kalıfornııalyq Kremnıı alqabynyń balamasy.
«Kóp jyldar boıy túrli elderdiń sarapshylary men mamandary Armenııada kalıfornııalyq Kremnıı alqabynyń analogyn qurý úshin eń ozyq álemdik tájirıbelerdi zerttedi. Osynyń nátıjesinde biz shyǵarmashylyq keńistikter qurý jobasyn oılastyrdyq. Oǵan saı, ýrbanızatsııa standarttaryn ázirledik jáne Erevan men áýlıe Echmıadzın monastyrynyń arasyndaǵy eń kórikti jerlerdi tańdadyq. Qalalyq keńistiktiń barynsha úılesimdi jabdyqtalýy mańyzdy. Sondyqtan qurylys prıntsıpi tańdaldy. ıAǵnı, onda az qabatty nysandar salyndy. Barlyq qajetti ǵımarattar (turǵyn úı, ınfraqurylym, keńse jáne bilim berý uıymdary, medıtsınalyq ortalyqtar, demalys jáne oıyn-saýyq nysandary) jaıaý barýǵa bolatyndaı qashyqtyqta ornalasady», - dep atap ótti Metso Igıtıan.
Investica basqarýshy seriktesi Vıacheslav Kazarıan bolsa, bul joba ınvestorlar men týrısterdi tartý úshin qolaıly bastama bolatynyn atap ótti.
«Villagio» - bul sapaly ári qorshaǵan ortany qorǵaýǵa shyn janashyrlar úshin salynatyn jańa ári zamanaýı úlgidegi kvartal. Turǵyn úılerdi salýmen shektelmeýimiz kerek. Munda ınvestorlar men týrıster kelýi úshin qolaıly jaǵdaı jasalady», - Vıacheslav Kazarıan.
Villagio kvartaly 4-5 juldyzdy qonaqúı keshenderinen turady. Sonymen qosa onda 150 bólmeli halyqaralyq dárejedegi qonaqúı jelisi, 105 páter, 33 taýnhaýs jáne 14 vılla ornalasady. Munymen qatar alqapta balalardy damytý ortalyǵy, dúken, naýbaıhana, kafe, meıramhana, kovorkıng ortalyq, dárihana, fıtnes-klýb, ashyq basseınder, tennıs korttary men sport alańdary bolady.
