Armenııada eks-prezıdent Sargsıannyń shetelge shyǵýyna qatysty salynǵan tyıym kúshin joıdy

ASTANA. KAZINFORM – Armenııanyń Sybaılas jemqorlyqqa qarsy soty burynǵy prezıdent Serj Sargsıannyń shet memleketke shyǵýyna salynǵan tyıymdy alyp tastady. Biraq onyń 30 mıllıon dram (shamamen 75 myń dollar) kólemindegi kepilin ózgerissiz qaldyrdy, dep habarlaıdy Kazinform tilshisi armıandyq BAQ-qa silteme jasap.

Burynǵy prezıdenttiń advokaty Amram Makınıannyń aıtýynsha, saparǵa qoıylǵan shekteýler negizsiz jáne shamadan tys. 

– Saıahatqa tyıym salý – Serj Sargsıanǵa taǵylǵan barlyq oıdan shyǵarylǵan aıyptardan da qatańyraq shara. Bul shara adamnyń jeke basyn kýálandyratyn qujatsyz jasyrynyp, shekarany kesip ótýi múmkin jaǵdaılarda qoldanylady, - dedi Makınıan tyńdaýdan keıin. 

Onyń aıtýynsha, burynǵy prezıdenttiń qashyp ketýi múmkin degen boljam qısynsyz. 

– Aqyl-esi durys adam Armenııanyń úshinshi prezıdenti jasyrynǵysy keletinine shynymen sene me? - dep qosty advokat. 

Buǵan deıin Nıkol Pashınıannyń Armenııa memleketiniń beıbitshilik qaǵıdattaryna súıenetin Tórtinshi Respýblıkaǵa aınalatynyn málimdegenin jazǵan edik.