Armenııada COVID-19 vırýsynyń «Delta» shtamy tabyldy
Osyǵan qaraı, eldiń Densaýlyq saqtaý mınıstrligi ınfektsııanyń odan ári taraýynyń aldyn alýǵa baǵyttalǵan joba daıyndap jatyr. Sondaı-aq elde qazir vırýsqa qarsy vantsına salý jumystary yntalandyrylýda, dep habarlaıdy QazAqparat.
«Densaýlyq saqtaý mınıstrligi janyndaǵy aýrýlardyń aldyn alý men baqylaý jónindegi ulttyq ortalyq Armıan-Reseı ýnıversıtetimen jáne UǴA-nyń Molekýlıarlyq bıologııa ınstıtýtymen birlesip, PTsR-testi oń nátıje bergen adamdardan alynǵan úlgilerge molekýlıarlyq-genetıkalyq saraptama júrgizdi. Tańdap alynǵan 30 úlginiń 4-ýinen brıtandyq shtamm, al 25-nen «Delta» shtamy tabyldy»,-delingen Armenııa densaýlyq saqtaý mınıstrliginiń habarlamasynda.
Osy rette Armenııanyń Densaýlyq saqtaý mınıstri Anaıt Avanesıan Úkimet otyrysynda DDSU-nyń «Delta» shtamy tabylǵan jaǵdaıda vaktsınalaý kórsetkishin 75% jetkizý qajettigi jónindegi keńesin alǵa tarta otyryp, mınıstrliktiń elde vaktsınalaý jumystaryn yntalandyrýǵa baǵyttalǵan joba daıyndap jatqanyn habarlady.
Armenııa densaýlyq saqtaý mınıstrliginiń habarlaýynsha, mınıstrdiń eki buıryǵyna túzetýler engizý týraly buıryǵyna qatysty másele kóterildi.
«Jobaǵa sáıkes, memlekettik basqarý, jergilikti ózin ózi basqarý men ózge de uıymdardyń qyzmetshileri, sondaı-aq qonaqúı qyzmetin paıdalanatyn 18 jasqa deıingi azamattar, jasy 18-den asqan stýdentter koronavırýsqa qarsy vaktsınany tolyq qabyldaǵandyǵy jóninde sertıfıkatyn, ne bolmasa ár 14 kún saıyn PTsR-testten ótkeni týraly anyqtama kórsetýi kerek. Bul rette PTsR-testti azamattar ózderiniń esebinen ótýi kerek»,-delingen Densaýlyq saqtaý mınıstrliginiń habarlamasynda.
Azamat Álmaǵambetov
