Armenııada azamattyq alý máseleleri boıynsha elektrondy júıeniń synaq rejımi iske qosyldy
ASTANA. KAZINFORM – Armenııa ІІM Kóshi-qon jáne azamattyq qyzmeti 6 qazannan bastap azamattyq alýǵa ótinish berý jáne ony toqtatýdyń jańa elektrondy júıesiniń testilik rejımin iske qosady. Bul týraly vedomstvonyń baspasóz qyzmeti málimdedi.
Jańa platforma 2026 jyldyń 1 qańtarynan bastap tolyǵymen tsıfrlandyrylatyn aldyn ala tirkeý júıesine túsetin júktemeni azaıtýǵa arnalǵan. Ótinishter tek elektrondy júıe arqyly qabyldanady.
Ótinish berýshiler belgili bir kezeńde qujattardyń túpnusqasyn sáıkestendirý jáne tekserý úshin Kóshi-qon qyzmetiniń keńsesine barýy qajet.
6 qazannan bastap paıdalanýshylar onlaın-platformada tirkelip, aldyn ala ótinish jasap, sondaı-aq Kóshi-qon qyzmetine 2026 jyldyń 22 qańtarynan keıin kelý kúnin tańdaı alady.
Armenııa azamattary avtorızatsııadan ІD-karta jáne mID elektrondy qoltańbasyn paıdalanyp «ıA» ulttyq sáıkestendirý platformasy arqyly óte alady. Sheteldikter, bosqyndar jáne azamattyǵy joq adamdar mindetti túrde jeke basyn kýálandyratyn qujat nemese jol júrý qujatynyń kóshirmesi qosa berilgen elektrondyq poshta arqyly tirkele alady.
Memlekettik baj kelý kúni tańdalǵannan keıin 10 kúnnen keshiktirilmeı tólenýi kerek. Olaı bolmaǵan kúnde jazylym óshiriledi. Ótinish berýshiler kelgen kúni ózderimen birge qajetti qujattardyń túpnusqalaryn ala kelý kerek. Olar ótinishteriniń túrine baılanysty AR Konstıttsııasy men armıan tilinen tets tapsyrady.
Osyǵan deıin Qazaqstan men Armenııa arasynda vıza rejımi joıylatyny týraly jazdyq.