Armenııada arhıepıskop Mıkael Adjapahıan eki aıǵa qamaýǵa alyndy

ASTANA. KAZINFORM – Armıan apostoldyq shirkeýiniń Shırak eparhııasynyń basshysy arhıepıskop Mıkael Adjapahıan eki aıǵa qamaýǵa alyndy, dep habarlaıdy Anadoly agenttegi.

Bul týraly onyń advokaty Ara Zohrabıan arnaıy málimdeme jasady. 

– Sot tergeýdiń ótinishin qanaǵattandyryp, Mıkael Adjapahıan eki aıǵa qamaýǵa aldy. Sheshim zańsyz jáne negizsiz. Qorǵaýshy tarap bul sheshimge shaǵymdanady, - dedi Ara Zohrabıan. 

Buǵan deıin Zagrobıan Adjapakıanǵa Armenııa Respýblıkasy Qylmystyq kodeksiniń 422-babynyń 2-bóligi boıynsha aıyp taǵylǵan edi. 

Arhıepıskop ózine taǵylǵan aıypty moıyndamady. 

27 maýsym kúni tańerteń Armenııa Ulttyq qaýipsizdik qyzmetiniń qyzmetkerleri arhıepıskopty ustaý úshin Echmıadzındegi katolıkostyń rezıdentsııasyna kelgenimen, dindarlar men dinı qyzmetkerlerdiń qarsylyǵyna tap boldy.

25 maýsymda Armenııanyń Tergeý komıteti «Qasıetti kúres» oppozıtsııasynyń músheleri Armenııada bılikti basyp alý úshin lańkestik áreketter daıyndap jatqanyn habarlady. Qozǵalystyń jetekshisi arhıepıskop Bagrat Galstanıan men onyń jaqtastarynyń úılerinde aýqymdy tintýler júrgizildi. Sol kúni keshke sot olardy qamaýǵa aldy.

Eske sala keteıik, buǵan deıin Armenııa Premer-mınıstri Nıkol Pashınıan elde bılikti kúshpen basyp alý áreketiniń joly kesilgenin aıtqan edi.