Armenııada alǵashqy koronavırýs juqtyrǵan adam anyqtaldy

EREVAN. QazAqparat – 29 aqpannan 1 naýryzǵa qaraǵan túni Armenııada koronavırýs juqtyrýdyń alǵashqy jaǵdaıy anyqtaldy. Bir kún buryn Irannan kelgen Armenııa azamatynyń testi oń nátıje kórsetti. Bul týraly QazAqparat menshikti tilshisi eldiń premer-mınıstri Nıkol Pashınıan málimdemesine silteme jasap habarlaıdy.

Koronavırýs ınfektsııasyn elde alǵashqy bolyp juqtyrǵan – Armenııanyń 29 jastaǵy azamaty. Ol 28 aqpanda Irannan arnaıy reıspen kelgen.

«Aldyn ala jasalǵan test oń nátıje kórsetti. Al qaıta tapsyrǵan test nátıjeleri túngi saǵat úshte belgili boldy», - delingen Armenııa premer-mınıstriniń Facebook -tegi paraqshasynda jarııalanǵan málimdemesinde

Premer-mınıstrdiń aıtýynsha, vırýs juqtyrǵan adammen baılanysta bolǵandardy oqshaýlaý sharalary júrgizilýde.