Armenııada 2026 jyly Eýropalyq saıası qoǵamdastyq sammıti ótedi
ASTANA. KAZINFORM – Eýropalyq saıası qoǵamdastyq sammıti Erevanda 2026 jyly ótedi. Bul týraly H áleýmettik jelisindegi jazbasynda Armenııa premer-mınıstri Nıkol Pashınıan málim etti, dep habarlaıdy Kazinform.
-2026 jyldyń kókteminde Armenııada Eýropalyq saıası qoǵamdastyq sammıti ótetinin qýana habarlaımyn. ESQ kóshbasshylarynyń barlyǵyna osy mańyzdy sheshim boıynsha qoldaý bildirgeni úshin alǵys aıtamyn, -dep jazdy, Armenııa premer-mınıstri Nıkol Pashınıan óziniń H áleýmettik jelisindegi jazbasynda.
Taǵy bir sózinde ol ESQ sammıtiniń 2028 jyly Ázerbaıjanda ótetinin qoldaıtynyn jetkizdi.
- Armenııa men Ázerbaıjannyń ESQ sammıtiniń eki elde ótýine ózara qoldaý bildirgenin atap ótý mańyzdy,- dedi Nıkol Pashınıan.
Eýropalyq sası qoǵamdastyq (ESQ) – 2022 jyly Frantsııa prezıdenti Emmanıýel Makron usynǵan Eýropanyń bolashaǵy týraly saıası jáne strategııalyq pikirtalas ótkizetin alań.
ESQ elderiniń kóshbasshylary Eýropaǵa qatysty strategııalyq máselelerdi talqylaý úshin jylyna eki ret sammıt ótkizedi.
Osyǵan deıin Armenııa parlamentiniń Eýropalyq Odaqqa kirý protsesiniń bastalýy týraly zań jobasyn maquldaǵany týraly jazdyq.