Armenııada 2023 jyly UQShU oqý-jattyǵýlary ótpeıdi – premer Pashınıan

EREVAN. ARMENIıA-JAŃALYQTARY. QazAqparat – Armenııa UQShU oqý-jattyǵýlaryn bıylǵy jyly óz aýmaǵynda ótkizýdi qolaısyz dep sanaıdy. Bul týraly atalǵan eldiń premer-mınıstri Nıkol Pashınıan málim etti, dep habarlaıdy QazAqparat Armenııa-Jańalyqtary agenttigine silteme jasap.

«Qazirgi jaǵdaıda UQShU jattyǵýlaryn ótkizýdi (Armenııa Respýblıkasynyń aýmaǵynda) qolaısyz dep sanaıtynymyz jáne jattyǵýlar bıyl ótpeıtini týraly Armenııanyń Qorǵanys mınıstri (Sýren Papıkıan) UQShU Birikken shtabyna habardy jetkizdi», - dedi premer-mınıstr seısenbi kúni ótken baspasóz máslıhatynda.
Buǵan deıin Reseı Qorǵanys mınıstrligi osy eldiń Qurlyqtaǵy áskerı qyzmetshileri Armenııa aýmaǵyndaǵy UQShU-nyń bitimgerlik kontıngentteriniń «Myzǵymas baýyrlastyq - 2023» oqý-jattyǵýlaryna qatysatynyn habarlaǵan bolatyn.

Foto: newsarmenia.am