Armenııada 190 adam koronavırýsqa shaldyqqan, onyń ekeýi jazylyp shyqty

EREVAN. QazAqparat – Armenııada koronavırýs juqtyrǵandar sany 190-ǵa jetti. Eki patsıent aýrýdan aıyǵyp ketti. Komendatýranyń sheshimimen elde tótenshe jaǵdaı kezinde jabylýǵa tıis mekemeler tizimi kóbeıdi, dep habarlaıdy QazAqparat.

Aýrýlardyń aldyn alý jáne baqylaý ulttyq ortalyǵynyń habarlamasyna sensek, 22 naýryzdaǵy jaǵdaı boıynsha elde koronavırýs ınfektsııasyn juqtyrǵandar sany - 190. ıAǵnı sońǵy táýlikte 30 adam indetke shaldyǵyp úlgergen. Eldiń densaýlyq saqtaý mınıstri Arsen Torosıan eki patsıenttiń jazylyp ketkenin habarlady.

«Ekinshi naýqasty aýrýhanadan shyǵardyq. Test teris nátıje kórsetti. Ol adammen 21 kún boıy bir bólmede birge turǵan onyń anasy aman-saý bolyp shyqty. Ol demek indetti juqtyrmaǵan nemese juqtyrsa da, az ýaqytta jazylyp ketken», - deıdi Arsen Torosıan.

Armenııada 22 naýryzdan bastap tótenshe jaǵdaı rejımi aıaqtalǵansha saýda ortalyqtary, bar, túngi klýb, bı alańy, býkmekerlik keńseler men qumar oıyndar ofısteriniń, kıno kórsetetin ortalyqtardyń jumysyna tyıym salyndy.

Aıta keteıik, Armenııada koronavırýs juqtyrý oqıǵasy birinshi ret 1 naýryzda tirkeldi. Búginde negizgi aýrý oshaǵy – Echmıadzın qalasy men el astanasyndaǵy óndiris orny. Elde 16 naýryz ben 14 sáýir aralyǵynda tótenshe jaǵdaı rejımi engizilgen.