Armenııa UQShQ elderine bas hatshyny almastyrý jumystaryn bastaýdy usyndy
EREVAN. QazAqparat - Armenııa Ujymdyq qaýipsizdik shart uıymyna (UQShU) múshe memleketterge Bas hatshyny aýystyrý jumystaryn bastaýdy tapsyrdy. Bul týraly Armenpress agenttigine AR SІM baspasóz hatshysy Tıgran Balaıan habarlady.
«Bul ishki másele jáne Armenııa arapynan tergelip jatqan qylmystyq iske Armenııa azamaty tartyldy. Bul rette áńgime UQShU-nyń jumysyn úzdiksiz qamtamasyz etý men uıymnyń bedeline mańyz berip, Bas hatshynyń qyzmetin atqaryp otyrǵan adam týraly bolǵandyqtan Armenııa UQShU elderine Bas hatshyny aýystyrýdy usyndy. Armenııa óziniń UQShU-nyń qýatyn arttyrý men nyǵaıtý jónindegi mindettemesine berik jáne aldaǵy ýaqytta da osy baǵyttaǵy jumystarǵa belsendi atsalysýyn jalǵastyra beredi»,-dedi ol.
Reseıdiń Syrtqy ister mınıstri Sergeı Lavrov Armenııa Syrtqy ister mınıstri Zograb Mnatsakanıanmen telefon arqyly áńgime barysynda ıÝrıı Hachatýrovqa aıyp taǵylǵannan keıin onyń Ujymdyq qaýipsizdik sharty uıymynyń Bas hatshysy ókilettigin toqtatý protsedýrasy týraly aıtyp berdi. Bul týraly senbi kúni Reseıdiń Syrtqy ister vedomstvosy taratqan kommentarııde aıtylǵan, dep habarlaıdy TASS.
Aıta keteıik, Armenııanyń tergeý qyzmeti beısenbi kúni UQShU-nyń Bas hatshysy, general-polkovnık ıÝrıı Hachatýrovqa 2008 jyly Konstıtýtsııalyq tártipti buzdy degen aıyp taǵyp, tutqynǵa alý sharasyn qoldaný týraly sotqa júgindi. Al, UQShU-nyń Bas hatshysy bolsa, ózine taǵylǵan aıyptardy moıyndaýdan bas tartty. Sot Hachatýrovty senbi kúni tań ata 5 mln dram kepilaqy tóleýine baılanysty eshqaıda shyqpaý týraly qolhat alyp, qamaýdan bosatty.
