Armenııa úkimetiniń 2031 jylǵa deıingi is-qımyl jospary bekitildi

EREVAN. KAZINFORM – Armenııa úkimetiniń 2026-2031 jyldarǵa arnalǵan is-qımyl jospary bekitildi. Bul týraly vıtse-premer Mger Grıgorıan málimdedi, dep habarlaıdy Kazinform agenttiginiń Erevandaǵy menshikti tilshisi.

s
Foto: Kazinform/JI

Qujatta strategııalyq maqsattarǵa qol jetkizýge baǵyttalǵan negizgi sharalar, olardyń oryndalý merzimi, jaýapty tulǵalar men josparly bıýdjet kólemi qamtylǵan.

- Josparlanǵan reformalar «Shynaıy Armenııa» ıdeologııasyna negizdelgen jáne saılaý kezinde azamattarǵa bireligen ýádelerdi oryndaýǵa baǵyttalǵan. Bekitiletin jobalar úkimet bastamasymen júzege asqan 2021-2026 jyldarǵa arnalǵan reformalardyń zańdy jalǵasy bolmaq, - dedi vıtse-premer.

Baǵdarlamaǵa 6 negizgi baǵyt boıynsha 733 shara engizilgen. Olardyń qatarynda syrtqy saıasat, qaýipsizdik, adamı kapıtal, halyqtyń ál-aýqaty, ekonomıkalyq transformatsııa jáne ınfraqurylym salasyn jetidirý sııaqty mindetter bar.

Mger Grıgorıannyń aıtýynsha, is-qımyl josparynda Armenııa men Ázerbaıjan arasynda ornaǵan beıbitshilikti nyǵaıtý, TRIPP jobasyn tıimdi júzege asyrý jáne Eýropa Odaǵymen vızalyq talaptardy jeńildetý máselelerine asa kóńil bólingen.

Sonymen qatar el úkimeti jyl saıynǵy ekonomıkalyq ósimdi orta eseppen 6 paıyz deńgeıinde saqtaý, 125 myń jańa jumys ornyn qurý jáne otandyq taýarlar eksportyn keminde 2 ese arttyrýdy kózdep otyr.

Eske salaıyq, taıaýda Armenııa premer-mınıstri Nıkol Pashınıan TRIPP jobasyn júze asyrý aımaqtaǵy ózara kólik baılanysyn tolyq qamtamasyz etýge múmkindik beretinin aıtty.

Buǵan deıin habarlaǵanymyzdaı, jarty jylda Armenııa ekonomıkasy 6 paıyzǵa ósti.