Armenııa soty eks-prezıdenttiń elden shyǵýyna qoıylǵan shekteýin alyp tastady
ASTANA. KAZINFORM – Armenııanyń sybaılas jemqorlyqqa qarsy soty burynǵy prezıdent Serj Sargsıanǵa qatysty buryn qoldanylǵan elden shyǵýǵa tyıymdy alyp tastady, dep habarlaıdy Kazinform-nyń Erevandaǵy menshikti tilshisi.
Elden shyǵýǵa shekteý salý Sybaılas jemqorlyqqa qarsy kúres komıtetiniń sheshimimen 2025 jyldyń 6 qarashasynda tergeý aıasynda engizildi. Tergeý nusqasy boıynsha, burynǵy memleket basshysy birqatar kásiporynǵa qoldaý bildirip, sheteldik ınvestıtsııalardy tartýǵa jáne jalpy somasy 14 mln dollar nesıe alýǵa kómektesken.
Eske sala ketsek, 2025 jyldyń shilde aıynda Armenııanyń eks-prezıdenti Serj Sargsıanǵa asa iri kólemde para alý jáne zańsyz kásipkerlik qyzmetke qatysý boıynsha aıyp taǵyldy.
Sondaı-aq 4 jyl 6 aıǵa sottalǵan Armenııanyń burynǵy Mádenıet mınıstri jazadan sytylyp ketkenin jazdyq.