Armenııa «shýly» kólikterge qatysty erejelerdi katańdatty

ASTANA. KAZINFORM — Armenııa parlamenti «Jol qozǵalysy qaýipsizdigin qamtamasyz etý týraly» zańǵa jáne Armenııa Respýblıkasynyń Ákimshilik quqyq buzýshylyq týraly kodeksine túzetý engizý jobalaryn qabyldady, dep habarlaıdy Kazinform menshikti tilshisi.

Qujattar kólikterge qosymsha kúsheıtkishter men daýys zoraıtqyshtar ornatýǵa tyıym salady.

Zań jobasyna sáıkes, olardy qabyldaý qosymsha kúsheıtkishter men daýys zoraıtqyshtar arqyly oınalatyn qatty mýzyka, sondaı-aq qaıta jabdyqtalǵan nemese qosymsha dybys óshirgishterden shyqqan shý qoǵamdyq tártipti buzyp, kólik qozǵalysyna kedergi keltirip, júrgizýshilerge dybystyq sıgnaldardy, sonyń ishinde shuǵyl qyzmetterdiń eskertýin estýine kedergi keltiretinine baılanysty bolyp otyr.

Bastamanyń birlesken avtory, Armenııa Ulttyq jınalysynyń tóraǵasy Alen Sımonıan buǵan deıin polıtsııa qosymsha daýys zoraıtqyshtar nemese sıgnal berý qurylǵylary bar kólikterdi tárkileıdi dep málimdegen.

Sonymen qatar tártip buzǵandarǵa ákimshilik aıyppul salynady.

Osyǵan deıin Armenııada Eýropalyq saıası qaýymdastyq sammıti ótetini belgili boldy.