Armenııa ShYU-ǵa qosylýǵa ótinish berdi

ASTANA. KAZINFORM — Armenııa Shanhaı yntymaqtastyq uıymyna (ShYU) múshe bolýǵa resmı túrde ótinish berdi. Bul týraly Armenııa Premer-mınıstri Nıkol Pashınıan Erevanda ótken baspasóz máslıhatynda málim etti.

– Iá, Armenııa ShYU-ǵa múshelikke ótý úshin ótinish berdi. Bul bizdiń teńgerimdi syrtqy saıasatymyzǵa saı keledi. Bul baǵyttaǵy jumysymyzdy jalǵastyra beremiz, – dedi úkimet basshysy.

Aıta keteıik, ShYU-nyń kezekti sammıti Qytaıda 31 tamyz ben 1 qyrkúıek aralyǵynda ótedi. Oǵan 20 eldiń basshylary men 10 halyqaralyq uıymnyń ókilderi qatysady.

Buǵan deıin Armenııa Eýropalyq odaqqa múshelik týraly kelissóz júrgizbeıtinin jáne Brıýsselmen bul máseleni talqylamaıtyny habarlanǵan bolatyn.