Armenııa prezıdenttigine úmitkerdi atyp ketti
ASTANA. 1 aqpan. QazAqparat - Prezıdenttikke kandıdattardyń biri - Parýır Harıkıandi Erevannyń ortalyq kósheleriniń birinde belgisiz bireý atyp ketti. Saıasatker jaralanyp, aýrýhanaǵa tústi.
Azattyq radıosy Armıan qyzmetiniń habarlaýynsha, oq 63 jastaǵy saıasatkerdiń ıyǵynan tıgen, ómirine esh qaýip tónip turǵan joq. Polıtsııa qylmysty tergeý sharalaryn bastady.
Keńes odaǵy tusynda Parýır Harıkıan tyıym salynǵan saıası uıymda bolǵany jáne ruqsat etilmegen gazet shyǵarǵany úshin 11 jylyn lagerde ótkizgen. Sarapshylar ony alda bolatyn saılaýdaǵy basty qarsylastardyń biri dep sanaıdy.
Armıan saıasatkerleriniń kópshiligi, onyń arasynda premer-mınıstr Tıgran Sarkısıan da aýrýhanaǵa baryp, onyń jaǵdaıyn bildi. Premer saıasatkerge jasalǵan qastandyqty aıyptady.
